Опис
Оваа книга претставува учебник за електрицитетот и за магнетизмот, дизајнирана за додипломски курс од трета или четврта година. Таа може сосема лесно да се покрие во два семестра, можеби и со слободен простор за специјални теми (наизменични кола, нумерички методи, физика на плазма, линии за пренос, теорија на антени итн.) Курсот со времетраење од еден семестар треба да заврши со Глава 7.
За разлика од квантната механика или топлинската физика (на пример), постои општ консензус во однос на изучувањето на електродинамиката; темите што треба да бидат вклучени, па дури и редоследот на нивното претставување не се особено проблематични, а учебниците можат да се разликуваат главно во стилот и тонот. Мојот пристап е можеби помалку формален од повеќето; јас сметам дека на овој начин, тешките идеи стануваат поинтересни и подостапни.