Опис
Промена на земјата е оригинална и убедлива интерпретација на промените што настанале во однос на растенијата и на животните во колонијата Нова Англија како последица од менувањето на индијанската со европска доминација. Со алатките што ги користат историчарите и екологистите, Вилијам Кронон воспоставува одлична интердисциплинарна анализа за тоа како луѓето и земјата се однесуваат едни кон други и како таа комплексна мрежа од односи ù дава нов изглед на животната средина.
Вилијам Кронон е професор по историја, географија и по животна средина на Универзитетот во Висконсин. За овој наслов ја има добиено наградата „Френсис Паркмен“, а за книгата „Метрополис на природата: Чикаго и големиот Запад“ ја добил наградата „Банкрофт“.
Авторот објаснува дека Индијанците не биле постатични од колонистите во поглед на нивните активности и организација. Тие не го дефинираат „индијанското“ исклучиво во поглед на еколошките односи, туку и во поглед на својот идентитет и отпор кон колонијализмот што продолжува и по уништувањето на нивната воена и политичка автономија. Сепак, Кронон се задржува на тој еколошки аспект, бидејќи за политичкиот и за воените аспекти има веќе доволно објаснувања во дела на други автори.
За сите подетални информации во врска со содржината и со достапноста на книгата слободно пишувајте на publishing@arslamina.com.