Опис
Животот е сон е еден од најдобрите примери на филозофскиот театар и дело што се цени како врв на творештво на Педро Калдерон де ла Барка, најзначајната фигура во литературното творештво на Шпанија во XVII век.
Сигизмунд, полски кнез, по налог на својот татко, кралот Басилио, од раѓање живее затворен во зандана поради пророштвото дека принцот ќе биде тиранин што ќе донесе само зло за својата земја. Воден од лошото претскажување, Басилио го фрла својот син единец во зандана. На своите поданици им кажува дека неговиот син умрел набргу по раѓањето и со тоа успева да го крие сè додека не стане маж. За да ја ублажи на некој начин својата сурова одлука, дозволува слугата Клоталдо да го подучува Сигизмунд и да го запознава со светот што не му е даден да го сведочи, со надворешниот свет. Меѓутоа, црвот на сомневањето го јаде кралот и тој постојано се прашува дали постапил правилно.
