Опис
„Заборавениот крал Гуду“ е ремек-дело на авторката Ана Марија Матуте и еден од најдобрите романи на овој век. Преполн бајки и фантазии, ги опишува раѓањето и ширењето на кралството Олар, во метеж од ликови, авантури и симболички пејзажи: мистериозниот Север, негостољубивите степи на Истокот и Југот, богати и бујни, што го ограничуваат распространувањето на кралството Олар, во чија судбина учествуваат една лукава девојка од Југот, магијата на еден стар волшебник и правилата на игра на едно суштество од подземјето.
Овој роман е една голема метафора за човекот и за неговата историја. Реалноста и легендите, минатото и иднината се измешани во фикција што се храни со грижи, сомнежи и желби што со векови ја поттикнуваат човечката природа и владеат со неа.