Опис
Ова е уникатна книга бидејќи содржи многубројни студии за реални мрежни апликации, како и околу 15.000 линии „C“, изворен код преземен директно од неговите изворни датотеки, што овозможува полесно разбирање на мрежниот софтвер. Авторот разработува едно детално упатство за мрежно работење за сите што имаат работни предзнаења од програмскиот јазик „C“ и од оперативниот систем UNIX. Дадени се комплетни описи за популарните протоколи како што се TCP/IP, XNS, SNA, NetBIOS, OSI и UUCP.
Ричард В. Стивенс (1951 – 1999) во 2000 година ја има добиено постхумно наградата за животно дело „Usenix“. До 1990 година работи во неколку организации како програмер, а потоа продолжува со својата кариера како автор на стручна литература и како независен консултант. Ова дело е плод на неговата долгогодишна работа како програмер и во него се дадени неговите истражувања во поглед на сигурноста, временските и податочни сервери, преносот на податоци, далечинско извршување на команди, далечинско најавување и далечински пристап до дискот.
Сите програми во книгата се тестирани од самиот автор и се дадени директно од нивните изворни датотеки. Да се биде мрежен програмер значи да се има при рака оваа книга и да не се заборави на основите за мрежно програмирање.
За сите подетални информации во врска со содржината и со достапноста на книгата слободно пишувајте на publishing@arslamina.com.