Опис
Ралф Ерли е постар предавач по наука за храна во
земјоделскиот колеџ „Харпер Адамс“. Пред да влезе во секторот на
високото образование, повеќе од 19 години работеше во млечната
индустрија. Беше на позиции од областа на производството,
истражувањето и развојот, осигурување и управување квалитет
и беше менаџер за стандарди на квалитет во компанијата „Dairy
Crest“, една од најголемите млечни компании во Обединетото
Кралство. Тој работеше како консултант за менаџирање квалитет
во прехранбената индустрија и предаваше наука за храна и
технологија на Универзитетот од Плимут. Тој е автор на „Guide to
Quality Management Systems for the Food Industry“.
Млечната индустрија претставува еден од најголемите сектори
на прехранбената индустрија, а насекаде низ светот, млечните
производи се клучен дел од исхраната на многу нации. Некои
млечни производи, како такви, се консумираат како храна,
додека други, заработувајќи од карактеристиките на состојките
на млекото, се приспособени за употреба во широк спектар на
формулирана и преработена храна.
Целта на оваа книга е да го запознае читателот со главните
процеси што се користат во млечната индустрија. Во неа се
опфатени производството на малопродажните млечни производи
и производи наменети како состојки при преработката на други
видови храна. Секое поглавје ги разгледува процесите вклучени
во производството на млечни производи и влијанието на
преработката врз карактеристиките и квалитетот на производите.
Исто така има поглавја во кои се разгледуваат хемискиот состав
на млекото и микробиолошкиот и хемискиот вкус на млечни
производи, како и хигиената и безбедноста на храната при
производството на млечни производи.
Книгата е значително преработена од првото издание, и тоа
ја одразува стручноста на авторите од светот што имаат големо
искуство во млечната индустрија и имаа голем придонес во неа.