Опис
Денешните општествено-ориентирани генерации на студенти бараат советување за тоа како да станат поефективни менаџери на непрофитни и на општествено-корпоративни организации. Оваа книга е одличен извор на знаење од каде што еден студент и млад претприемчив човек може да научи како и зошто треба да примени одредени маркетинг-методи во тие организации. Дадени се практични совети и објаснувања на најновите теории, лесни за читање, истражувања и откритија што ги поткрепуваат советите.
Алан Р.Андреасен е професор по маркетинг во училиштето за бизнис при Универзитетот „Џорџтаун“ и извршен директор на Институтот за општествен маркетинг. Тој е специјалист за однесување на потрошувачите и светски признат експерт за аплицирање на маркетингот во непрофитните организации, општествен маркетинг и за пазарните проблеми со кои се среќаваат хендикепираните лица.
Филип Котлер е почесен професор по меѓународен маркетинг на „Келог“ Факултетот за менаџмент при Универзитетот „Нортвест“ од Чикаго. Од Европскиот центар за менаџмент тој е прогласен за најистакнат светски експерт за стратешко практицирање на маркетингот.
Авторите јасно укажуваат дека маркетингот е важна стратешка активност и покажуваат како тој може да се користи за подобрување на организациските перформанси. Фокусот е насочен кон развивање на вредноста на организацијата и како тоа понатаму влијае на клиентите, волонтерите и на донаторите. Одлична книга од која сите може да научат по нешто што понатаму ќе можат да го применат во областа со која професионално се занимаваат.
За сите подетални информации во врска со содржината и со достапноста на книгата слободно пишувајте на ekonomija@arslamina.com.