Опис
Медоносните пчели, нивното легло, пчелниот восок, дури и дрвените сандаци во кои се сместени, постојано се изложени на напади од разни вируси, бактерии, габи, инсекти, молци, пајаци, птици, водоземци и цицачи. Пчеларите од целиот свет постојано се борат со овие напади. За да им се помогне своите сили ги здружија триесет и двајца експерти, кои несебично ги споделија своите знаења и искуства, постојано трагајќи по нови решенија за проблемите.
Причините и решенијата за илјадници проблеми се собрани во текстот на оваа книга, која е вредна научна литература и практичен водич за пчеларите. Во 22 поглавја и во 11 додатоци, уредниците Роџер А.Морс и Ким Флотум ги собраа сите до сега познати информации и им дадоа содржинска форма. Морс е професор и специјалист за пчеларство на Универзитетот „Корнел“, а Флотум е уредник на списанието „Bee Culture“ и на уште десетици книги од областа.
Имајќи предвид дека во Македонија пчеларството е развиена гранка, оваа книга е вистинска придобивка за индустријата и убедени сме дека ќе го најде своето место во професионалната лична библиотека на секој пчелар.
За сите подетални информации во врска со содржината и со достапноста на книгата слободно пишувајте на publishing@arslamina.com.