Опис
Дејството во „Рана есен“ е сместено во фиктивното гратче Дурам, кратко по завршувањето на Првата светска војна. Во фокусот на случувањата се наоѓа семејството Пентланд, кое доаѓа од високата класа, но нивниот свет се менува молскавично. На промената не е имуна ни заедницата предводена од високата класа: повеќето стари семејства изумираат или се иселуваат, додека на сцена стапуваат nouveau riche кои постепено го заземаат празното место на заминатите и кои не споделуваат старомодни вредности какви што застапуваат Пентландови.
Речовитоста на Бромфилд при опишувањето на ликовите и средината е фасцинантна, а прецизноста во прикажувањето на сложените емоции на ликовите јасно покажува дека многу добро ја познава човечката природа. „Рана есен“ е восхитувачка анализа на борбата на една жена за ослободување од задушливото влијание на својот сопруг.