Опис
Оваа вежбанка е изработена во согласност со содржините во наставната програма по предметот Работа со компјутери и основи на програмирањето зa трето одделение. Во вежбанката се понудени активности и задачи за полесно совладување на темите Почетни чекори во користење компјутер, Компјутерска графика, Работа со текст, Онлајн-живеење, Поим за алгоритми и програми, Совладување алгоритамско размислување преку игра и Креирање едноставни програми во Скреч Јуниор (Scratch Jr.).
Целта на вежбанката е учениците преку различни забавно-едукативни активности и игри да се запознаат со деловите и со работата на компјутерите, работата со програмите за графика и текст и да ги направат првите чекори во креирањето алгоритми и едноставни компјутерски програми.
Визуелно-графичкиот концепт на вежбанката е креиран во функција на содржините за да можат учениците да ги следат и да ги реализираат активностите во секоја вежба.