Опис
Целта на книгата е да се постапува на практичен и разумен начин со сите проблеми што настануваат при процена на објект, особено при негова изведба, а при вршење на процената да се вклучат детални податоци добиени од претходни добри искуства.
Во првиот дел од книгата се дадени корисни информации за студентите и за практичарите кои ќе ја користат при развивањето на системот за процена, а кој на крајот треба да резултира во понуда за изведување градежни работи. Во вториот дел од книгата се дадени целосно ажурирани податоци за процена на главните елементи во градежништвото, како и многубројни константи што се користат при проценувањето во практиката. Сите овие податоци се темелат врз тековните стандардни методи за мерење на градежните работи (SMM7). Основните принципи за вршење на процените што ги има воспоставено Спенсер Гедес важат до денешен ден.
Уредникот на ова целосно ажурирано издание е Џон Вилијамс. Тој е член на Институтот за менаџмент уште од далечната 1971 година. Полноправен партнер е во „Хју Најт, Ломас и соработниците“, фирма што е овластена како градежен инспекторат. Неговото искуство е големо, особено во областа на градежништвото, просторното планирање, спортските објекти, станбените згради и во развојот на деловни комплекси. Своевремено бил и заменик на главниот градежен инспектор во Лондон.