Опис
Со подемот на повеќејадрената архитектура, паралелното програмирање како тема добива важност за софтверските инженери и за дизајнерите на компјутерски системи. Принципите на паралелното програмирање, напишана од добропознатите истражувачи Калвин Лин и Лоренс Снајдер, се фокусира на основните принципи на паралелното пресметување, ги објаснува различните феномени и појаснува зошто овие феномени претставуваат можности или бариери за успешното паралелно програмирање.
Оваа книга е идеална за додипломски курс на повисоко ниво или курс на ниво на магистерски студии, или за професионалните програмери што сакаат да се запознаат со паралелизмот. Во книгата се дадени вредни и трајни информации што ќе ги надживеат тековниот хардвер или софтвер.
КЛУЧНИ КАРАКТЕРИСТИКИ
- Пристапот прво преку принципите ги акцентира фундаменталните концепти на паралелното пресметување наместо да понуди „како да“ водич за тековните комерцијални производи.
- Популарните програмски јазици се изложени во контекстот на принципите и алатките употребени за програмирање современи паралелни машини. Рамките со забелешки дават интересни проширувања на претставените информации.
- Рамките со дефиниции ги дефинираат клучните зборови и концептите.
- Вежбите на крајот на главите нудат можности за имплементирање на изложените концепти.
- Идните насоки во паралелното програмирање (глава 10) се фокусираат на тековните развои што веројатно ќе влијаат врз ова поле.
- Пишување паралелни програми (глава 11) обезбедува практичен пример за читателите да креираат суштински паралелна програма.