Опис
Овој текст е специјално наменет за изучување на предметот енергетска електроника. Иако овој предмет покрива една широка област, темите се разработени во доволна длабочина за да овозможат да бидат изложени основните принципи, концепти, техники, методи и електрични кола, кои се неопходни за да се разбере проектирањето на енергетските електронски системи за најразновидни апликации од 5 W преобразувач до 500 MW преобразувач за еднонасочен пренос на електричната енергија.
Традиционално, енергетската електроника се разгледува и се изучува како еден сублимат од повеќе одвоени дисциплини: на пример, електромоторните погони, еднонасочните преобразувачи познати како dc/dc преобразувачи или системите составени од статички исправувачи. Скоро неизбежно студентите ја изучуваат енергетската електроника во само еден контекст, во зависност од перспективата на книгата од која учат или од самиот професор. Уште повеќе, оние што се среќаваат со енергетската електроника на своите работни места вообичаено имаат мали предзнаења од оваа тема. Како и да е, сите примени на енергетската електроника се базираат на една заедничка основа и ние се обидовме тоа јасно да го ставиме до знаење во оваа книга.