Опис
Развивањето и сочувувањето на способни држави е долг, тежок и многуаспектен процес, следен од разни можности за неуспех и за нецелисходно потрошени ресурси. Бара многу време, посветеност, иновативни идеи, градење на консензус, нови правила на игра, ефикасно проектирање при доделувањето ресурси за техничка помош и многу добра среќа.
Во оваа книга се нуди помош во согледувањето на начините како една влада може да биде мотивирана да работи подобро и како може да бидат развиени способностите на државата за овозможување развиени пазари и демократии. Уредничката на ова издание презентира повеќе примери од конкретни акции преземени со цел да го зголемат равојот на човековите ресурси во јавниот сектор, да ги зајакнат организациите што придонесуваат кон јавно декларираната цел на владата и да ги реформираат институциите што креираат правила за интеракција на економијата и на политиката.
Мерили С.Гриндл е професор по меѓународен развој на Универзитетот „Харвард“ и соработник на Институтот за меѓународен развој при истиот. Има учествувано во многубројни проекти во Југоисточна Азија, Латинска и Средна Америка и е специјалист за споредбени анализи на политиките од земјите во развој. Како еден од најзабележителните коментатори на управувањето, Мерили со оваа книга создава уште еден нужен ресурс за секој што е заинтересиран за управување со градењето капацитети.
За сите подетални информации во врска со содржината и со достапноста на книгата слободно пишувајте на ekonomija@arslamina.com.