Опис
Уредници на ова издание се: д-р Џејмс Б.Самит, доктор по дентална хирургија, професор и раководител на Катедрата за реставративна стоматологија при Универзитетот во Тексас, Вилијам Џ.Робинс, професор на Катедрата за општа стоматологија при Универзитетот во Тексас, Томас Џ. Хилтон, поранешен професор по дентална патологија на Катедрата за реставративна стоматологија при Универзитетот во Орегон и Ричард С.Шварц, доктор по дентална хирургија во приватна ординација Енодонт, Сан Антонио, Тексас.
Благодарение на уредниците, ова издание доби диманзија на современ учебник за реставрација на забите, кој претставува комбинација од традиционално докажаните методи и од најновите научни достигнувања. Опишани се техниките за реставрација во здрави, функционални и естетски заби за поединечни случаи, како и за случаи на цела дентиција. Исто така, дадени се објаснувања за реставрациите направени од амалгам, композит и глас-јономер. Има опширни објаснувања на техниките за парцијални или за целосни индиректни реставрации од злато, порцелан, метал-керамика и композит.
Во ова време на брзо развивање нови технологии, со оваа книга е направен успешен обид за претставување на современите концепти и на последните научни достигнувања во реставративната и во превентивната стоматологија. Од неа имаат корист студентите, наставниците, како и стоматолозите практичари.
За сите подетални информации во врска со содржината и со достапноста на книгата слободно пишувајте на medicina@arslamina.com.