Опис
Овој нескротливо инвентивен роман е љубовна приказна, но љубовна приказна што може да се случи единствено во Австралија од XIX век.
Единствено на тој далечен континент – засолниште за „изроди“ од секаков вид, како од животинскиот, така и од светот на луѓето – единствено таму еден растроен англикански свештеник, кој се коцка по налог од Бога, може да се здружи со млада наследничка, која купува фабрика за стакло, за да ја докаже еднаквоста на половите.
А единствено чудесната фантазија на Питер Кери може од приказната за Оскар и Лусинда да направи заплеткана повест за љубовта и трговијата, за верата и колонијализмот, што својата кулминација ја достигнува во лудата експедиција која ја носи стаклената црква во сè уште неистражените делови на континентот.