Опис
Муриел Фабр Мањан е професор по право на Универзитетот „Сорбона“, Франција. Во два тома зборува за облигационото право. Ова е вториот том кој е посветен на граѓанската одговорност и на квазидоговорите.
Она што граѓанскиот законик го именува како обврски што произлегуваат „од единствениот авторитет на законот“ спаѓа во рамките на дистрибутивната правда. Во повеќето случаи се работи за дистрибуција на давачките и на правата на оние што се нашле во одредена ситуација. Спротивно на тоа, кога станува збор за деликт, квазиделикт или квазидоговор е пронајдена рамнотежа. Ако таа рамнотежа е нарушена поради акт од страна на човекот, се вмешува законот за да ја поправи рамнотежата и да ја врати во почетната состојба. Оттука следува дека се работи за корективна или за комутативна правда.
Претходно изнесеното авторот го презентира во два дела. Првиот е насловен како неправедно предизвикана штета кон друг т.е. деликтна одговорност, а вториот како неправедно стекната предност во поглед на друго лице т.е. квазидоговори. Ова е уште една книга која мора да биде внимателно прочитана пред да се впуштите во практикување на облигационите односи.
За сите подетални информации во врска со содржината и со достапноста на книгата слободно пишувајте на publishing@arslamina.com.