Опис
Николај Бухарин е еден од најзначајните болшевички водачи и теоретичари, идол на младината на советска Русија. Како истакнат деец меѓу организаторите на револуцијата, поминува дваесет години во служба на Централниот комитет, а десет години е член и на Политбирото.
Од 1917 до 1929 година уредник е на весникот ,,Правда” и иако тој и Ленин имаат чести несогласувања, во својот ,,Тестамент” Ленин го нарекува ,,заслужено најомилениот човек во Партијата”.
Рој А. Медведев е истакнат советски дисидент и автор на многу книги, од кои најпознатата е ,,Нека суди историјата”; покрај самостојните дела, пишува и заедно со својот брат Жорес А. Медведевнивната апологија на Хрушчов, ,,Хрушчов: на чело на СССР”, е исто така објавена на македонски јазик во 2015 година, во издание на ,,Арс ламина-публикации”.