Опис
Како колективната активност може да ја подобри распределбата на ресурсите и економската ефикасност, а истовремено таа распределбата на приходите да биде во социјално саканата насока? Ова прашање е дебатирано од страна на многу експерти за јавни финансии уште од самото појавување на јавните финансии.
Џон М. Квиглеј е професор по економија и по јавна политика и раководител на Катедрата за економија при Универзитетот „Беркли“, Калифорнија.
Еуген Смоленски е професор по јавна политика и декан на Факултетот за јавна политика при Универзитетот „Беркли“, Калифорнија.
Уредниците на ова издание наведуваат дебати од повеќе експерти, чија содржина дава придонес кон мотивирањето на секој напреден дипломиран економист да продолжи со своите истражувања во оваа област. Тие дебати се конципирани во четири дела, при што во секој дел се коментираат соодветно распределбата, стабилизацијата и динамиката на јавните финансии, потоа јавните добра и федералниот систем, даночните политики, оптималното оданочување и неговите проширувања.
Читајќи ја книгата, може да се дојде до заклучок дека оваа значајна економска публикација, самата по себе, претставува задолжително четиво за сите што се инвовирани во јавните финансии.
За сите подетални информации во врска со содржината и со достапноста на книгата слободно пишувајте на ekonomija@arslamina.com.