Опис
Намената на оваа книга е да послужи како учебник за електоронски кола при универзитетските предавања по електротехничко и компјутерско инжинерство. Воедно, книгава е многу корисна за инженерите и за останатите стручни лица, за обновување и за надградба на нивните претходно стекнати знаења.
Со оваа книга се развива способноста на читателот за анализа и за проектирање на аналогни, дигитални, дискретни и интегрирани електронски кола. Посебен акцент е ставен на проектирањето транзисторски кола, бидејќи авторите се на мислење дека знаењето за содржината на интегрираните пакети ќе отвори можности за интелигентна и иновативна примена на тие чипови.
Адел С. Седра е професор по електроинженерство со специјалност за микроелектроника и декан на Факултетот за инженерство при Универзитетот „Ватерло“ во Торонто, Канада. Добитник е на многубројни награди и признанија. Почнувајќи од 2003 година, секоја година ја добива и наградата за „дипломец што демонстрира натпросечни академски и вонакадемски лидерски способности“.
Кенет К. Смит е професор по електроинженерство на Факултетот за применета наука и инженерство при Универзитетот од Торонто, Канада.
Авторите тргнуваат од мислењето дека синтезата на колата најдобро се учи преку посочување на различните можности за „трговија“ меѓу изборот на една конфигурација на коло и изборот на вредностите за секоја од компонентите на дадената конфигурација. Делот за проектирањето е засилен со вклучување на многу примери за синтеза, вежби и задачи на крајот од секое поглавје. Инаку, книгава е поделена во три главни дела: елементи и основни кола, аналогни и дигитални интегрирани кола и избрани теми.
За сите подетални информации во врска со содржината и со достапноста на книгата слободно пишувајте на publishing@arslamina.com.