Опис
Во последниве години значително се менува светот на бизнисот. Се прашуваме зошто. Бидејќи во бизнисот сè повеќе почнува да се применуваат веројатноста, статистичките методи и аналитиката онаму каде што не биле применувани досега. Книгата нуди вовед во најразлични техники што се применуваат во областа и размислувања како треба да се пристапи кон секоја од техниките. Практичниот стил на пишување придонесува читателот многу брзо да ја осознае целта на одредена техника и преку одличните илустрации да дознае како се применува во практика.
Денис Кокс е извршен директор на „Risk Reward Ltd“, консултант за стратегија и за ризик на финансиските услуги и член на многубројни одбори и комисии. Мајкл Кокс е предавач за квантитативни методи на голем број факултети. За студентите по МБА предава статистика и наука за менаџмент.
Двајцата автори се обидуваат да ја разбијат мистиката што виси над математичките техники и да ги доближат дури и до оние што имаат површни познавања. Целта е да се намали бројката на погрешно применети модели на погрешни места. Овој текст помага полесно да преживеете во банкарскиот свет, каде сè повеќе се применуваат математиката и науката.
За сите подетални информации во врска со содржината и со достапноста на книгата слободно пишувајте на ekonomija@arslamina.com.