Опис
Најголемиот комедиограф во светската литература, Жан-Батист Поклен, наречен Молиер, е роден во Париз во 1622 г., а умира во 1673 година, оставајќи зад себе (во мошне краток творечки период од седумнаесетина години) еден импозантен опус од триесет и четири театарски дела, од кои речиси половината и денес се прикажуваат на сцените не само во неговата татковина, туку и во најреномираните театри ширум светот. Неговата најпозната комедија „Тартиф“ само во националниот театар „Комеди франсез“ досега е играна над три илјади пати, а тоа значи дека оваа пиеса, според светските статистики, има доживеано најголем број претстави од сите класични драмски дела.