Опис
Покрај составните делови на храната (јаглехидратите, маснотиите, протеините, минералите и водата), разгледани се и состојките што ги има во мали количини, како што се боите, вкусовите, витамините и конзервансите. Овде се зборува и за отровите, алергените, остатоците од пестициди и за другите непосакувани состојки.
Сите состојки се разгледани од аспект на нивното нутритивно и здравствено значење со податоци за нивната концентрација во соодветната храна. Секоја состојка е дадена со соодветната хемиска формула и со детален опис. Со ваквиот детален пристап авторот создава една одлична книга што станува задолжително четиво за секој научник што се занимава со храна.
Професор Том Калтејт пред да се пензионира бил главен предавач на Катедрата за биохемија на храна при Универзитетот „Саут Бенк“, Лондон. Тој сè уште е соработник на Институтот за храна и за технологија.
За сите подетални информации во врска со содржината и со достапноста на книгата слободно пишувајте на publishing@arslamina.com.