Опис
Суштинските прашања како што се, на пример, оние за изворите на правото, врската меѓу правото и законот, конфликтот меѓу правдата и корисноста, за правната аргументација итн… покренаа, од Платон па сé до денес, многубројни анализи и интерпретации чијашто содржина е доволна за да се изведе на виделина сложеноста на правниот концепт.
Симон Гојар Фабр е професор по филозофија на Универзитетот во Каен каде што е раководител на одделот за истражување во Центарот за политичка и за правна филозофија што работи како дел од Францускиот национален центар за истражување. Во тој национален центар, директор на одделот за истражување е Рене Сев, кооавторот на оваа книга.
Во ова издание, двајцата автори успеваат со заеднички сили да ги групираат методолошки фундаменталните текстови, со цел да се подобри комуникацијата меѓу филозофската и правната култура. Сето тоа се случува во период кога правото одново се перципира како неопходен елемент во политичката традиција. Накусо кажано, успеваат да направат збир од капитални наслови во едно издание, со нивна интерпретација на истите. Оваа збирка од дела му дава доволно материјал на читателот за лично филозофско размислување, истовремено нудејќи доволно информации што се оригинални и што го збогатуваат знаењето.
За сите подетални информации во врска со содржината и со достапноста на книгата слободно пишувајте на publishing@arslamina.com.