Опис
Со отворањето на првата страница ја исцртувате појдовната точка во областа на дизајнот на ентериери. Без оглед на тоа дали вашата цел е да станете професионален инженер за ентериери или едноставно подобро да го разберете вашиот простор за живеење, тука ќе најдете информации и идеи што ќе ви помогнат да ја оставарите целта.
Ентериери има три цели:
- Да се предочи самата философија на дизајнот и да се поттикне почитувањето на истиот, во историски и во модерен контекст, одејќи во чекор со модерната технологија,
- Да се применуваат безвременските основни дизајнерски принципи и елементи за ентериерите,
- Да се зголеми свесноста за широката разновидност на тлоцрти, материјали, мебел и стилови што може да се употребат при дизајнирањето на ентериерите.
Карла Ј.Нилсон и Дејвид А.Тејлор се професори на Универзитетот „Бригам Јанг“. Тие се погрижија во ова издание да го зголемат фокусот врз скромниот начин на живеење и со тоа да го направат внатрешното уредување достапно за секого. Книгата изобилува со колорни и црно-бели илустрации на разновидни ентериери од простори што се со разумна големина, а не со илустрации на простории од некоја палата. Со тоа се буди една нова страст во дизајнот на ентериери – страст за создавање рационални простори што ќе бидат свежи и инспиративни.
Оваа студија е само почеток на истражувањето за дизајнот на ентериерите. Авторите се посветени на тоа истражување и со нетрпение ги очекуваме нивните нови изданија.