Опис
Кристијан Голиер е професор по економија на Универзитетот од Тулуз. Со ова свое дело ја унапредува теоријата за очекувана употребливост применета во анализата на ризикот и во процесот на донесување одлуки. Основата на оваа теорија е поставена уште во далечните 40-ти години од минатиот век од страна на Нојман и на Моргенстерн. Земајќи ги предвид последните достигнувања од економијата за ризикот и за несигурноста, авторот се фокусира на продлабочување на приманата на очекуваната употребливост во финансиите и во макроекономијата.
Во оваа книга се покриени следниве теми: теоријата за очекувана употребливост и поврзаните концепти, стандардните проблеми при избор на портфолио, теоремата за хиперпланско одделување и супермодуларните функции како технички алатки за решавање на најразлични проблеми при носењето одлуки во услови на несигурност, портфолио-проблемот Ероу-Дебру, потрошувачката и заштедата, урамнотежената цена на ризик и на време во економијата Ероу-Дебру и тргување со ризикот, динамични модели за носење одлуки во случај кога информациите за ризиците се очекуваат со текот на времето.
За сите подетални информации во врска со содржината и со достапноста на книгата слободно пишувајте на ekonomija@arslamina.com.