Опис
Во романот „Колонијална изложба“ се зборува за Габриел Орсена, роден во 1883 година, кој, во текот на педесеттите години, го посведочува падот на француската
колонијална империја. Татко му е книжар, фантазер, непоправлив заводник, на баба му единствена мисла ѝ се колониите – може да се рече дека семејството на Габриел се храни со соништа. Во такво опкружување, при крајот на XIX век, младиот човек ги избира науката и модернизмот и ја користи првата пригода да избега и да се најде на пат за Бразил каде се одигрува ботаничката драма околу каучукот.
На повидок е и љубовна приказна. Во текот на страшна бура преку Ламанш ги среќава двете непредвидливи сестри, Ана и Клара. Благодарение на нив, се запознава со Амазон, со градот Белем, со позитивизмот, пристаништето во Лондон, трките со автомобили, со тајниот живот на Клермон-Феран, со прекрасните пријатели на Фројд, велодромот Д’Ивер, стариот Хуе, главниот град на гробовите…
И додека животот на Габриел полека се претвора во колонијална изложба, Орсена го танцува својот „илјадакратен валцер над бездните на светот.“