Опис
ДОБИТНИК НА НАГРАДАТА „ИЗБОР НА КРИТИЧАРИТЕ“ ОД
АМЕРИКАНСКОТО ЗДРУЖЕНИЕ ЗА ОБРАЗОВНИ НАУКИ, ЗА 1999 ГОД.
„Поттикнувањето добри дискусии често претставува една од потешките задачи на наставата. Во учебников, Прескил и Брукфилд даваат ризница податоци и стратегии за подобрување на дијалозите на часовите. За мене, тонот на книгата кој се концентрира на професорите и на студентите претставува освежување, а поврзувањето на демократското образование со методите на дискусија има големо значење.“
– Мери Дин Сорсинели, помошник проректор и директор, Центар за настава, Универзитет на Масачустетс, Амхерст
„Дискусијата како метод на наставата“ се занимава со еден важен, а често недоволно применет педагошки пристап – методот на дискусија. Тој претставува практичен и корисен ресурс за секој универзитетски професор кој има желба да ја подобри својата настава и да створи наставна средина во чиј центар се наоѓа студентот.“
– Џоди Левин Лофграбен, директор на програмите за прва година, Универзитет „Темпл“
„Не може да ја прочитате книгава, а да не добиете голем број идеи за начинот на кој можете да ја примените дискусијата на час. Сигурно и искусните професори ќе преиспитаат дел од своите претпоставки.“
– Дејвид Бауд, професор по образование за возрасни, Технолошки универзитет, Сиднеј, Австралија
„Книгава овозможува одличен преглед на начинот на кој демократските особини и дискусионите навики на студентите може да се негуваат и потхрануваат. Секое поглавје содржи приспособливи, практични и јасно изразени стратегии што може да ги користат и почетниците и искусните професори.“
– Гери Кејл, доцент по јазик и литература, Виша школа „Џексон“, Мичиген