Опис
„Човекот во железничарската куќичка“ е роман преполн автобиографски елементи. Во него може да се најдат извадоци од бележникот на Кројдер, што го води во текот на седумте недели заточеништво во логорот Зинциг. Романот изобилува и со интертекстуални референции.
Сочинет е од записи на еден возрасен писател, кој се повлекува во пропадната железничарска куќичка и се издржува со заработката од литературните критики што ги пишува за одредени весници. Нему му се мешаат времињата и местата, постапка што е честа во поетиката на Кројдер: на почетокот, на напуштената пруга, во добро осветлено купе му проаѓа неговиот татко, кој инаку е починат неколку години, потоа писателот се затекнува на една напуштена бензинска станица во времето непосредно по војната, па со други осуденици седи во Петропавловската тврдина во Ленинград итн. Писателот потоа го посетува стариот пријател, докторот Бонмартин, во неговата психијатриска болница, со цел да го најде својот мир.
