Опис
„Сите луѓе на кралот“ е најчитаниот роман на Роберт Пен Ворен, делото што предизвикува најсилен интерес, и кај критиката и кај читателите. Романот е хроника за подемот и падот како гувернер на циничниот популист Вили Старк, според раскажувањето на еден од неговите вработени, Џек Бурден. Тој е политички репортер кој почнува да работи како десна рака за гувернерот Старк. Кариерата на Старк е испреплетена со животната приказна и филозофските размисли на Џек Бурден.
Пофалбите за романот се однесуваат на третманот на демократските политички процеси што се практикувале на Југот од триесеттите години од XX век, како и на иновативната структура и филозофската суптилност. „Сите луѓе на кралот“ се смета за ремек-дело на политичката сатира; филмуван е во два наврати, а според него се направени и драма и опера; преведен е и на дваесетина јазици.