Опис
Иако некои инженери се вклучени во процесот на планирање, сепак, за најголемиот дел од нив од посебен интерес се процесите на проектирање, изведба и на одржување. Заеднички именител на сите овие процеси е потребата за разбирање на однесувањето на материјалите и нивните карактеристики. Иако нема потреба инженерите да бидат експерти за материјали, сепак, неопходно е да имаат основни познавања за однесувањето на материјалите како би можеле што поквалитетно да извршат нивна селекција.
Михаел С.Малмук е професор по градежништво и по животна средина при Универзитетот во Аризона. Има раководено со многу проекти и член е во повеќе професионални асоцијации.
Џон П.Заниевски е професор по асфалтна технологија на Катедрата за градежен инженеринг и за инженеринг на животната средина при Универзитетот во Западна Вирџинија. Директор е на локалната програма за технолошка помош и активен член во едукативниот совет за автопатишта.
Авторите го презентираат материјалот во три дела: вовед во инженерските материјали, карактеристики на материјалите што се користат во градежништвото и лабораториски методи за проценка на материјалите. Во првиот дел се дадени информации за основните механички својства на материјалите, нивната класификација и влијанијата од околната средина. Вториот дел, кој воедно е и најголем дел од оваа книга, детално се анализираат челикот, алуминиумот, бетонот, асфалтот, дрвото и разни примеси што се користат како градежни материјали. Последниот трет дел содржи само основни информации за методите со кои се тестираат својствата на градежните материјали, но се дадени насоки каде можат целосно да се извршат таквите тестирања во организации што се за тоа акредитирани и стручни.
За сите подетални информации во врска со содржината и со достапноста на книгата слободно пишувајте на arhitektura@arslamina.com.