Опис
Книгата е поделена на два дела: општа топологија и алгебарска топологија. Во првиот дел се разработени теоријата на множествата и логиката, тополошките простори и непрекинатите пресликувања, сврзаноста и компактноста, преброивоста и аксиомите за сепарација, теоремата на Тихонов, теоремите за метризација и за паракомпактност, комплетните метрички простори и простори од функции, Беровите простори и теоријата за димензија. Во делот алгебарска топологија се опфатени темите за фундаменталните групи, теоремите за сепарација во рамнина, теоремата на Сејферт ван Кампен, класификацијата на површините, класификацијата на покривачките простори и примените во тероијата на групи.
Авторот Џејмс Р.Манкрес бил професор по математика во периодот 1960-2000 година на Институтот за технологија во Масачусетс. Покрај неколкуте објавени трудови, неговиот придонес во развојот на математиката е манифестиран и преку таканаречениот Манкресов алгоритам за задачи.
Ова е материјал кој може да го совладате и без ментор – многу јасно и концизно напишан текст, достапен за секој математичар или инженер. Особено внимание е посветено на аксиомите за сепарација и на теоремите за метризација. Сега топологијата ви е на дофат. Не испуштајте го овој навистина вреден наслов.
За сите подетални информации во врска со содржината и со достапноста на книгата слободно пишувајте на publishing@arslamina.com.