Визуелен водич за синдром на полицистични јајници

Што претставува?

Синдромот на полицистични јајници е хормонално нарушување што засега милиони жени. Понекогаш се нарекува Штајн- Левенталов Синдром. На сите им се потребни "машки" и "женски" хормони за нормална функција, но кај жените со овој синдром преовладуваат машките. Ова доведува до проблеми со јајниците. Можно е да имате нередовни или воопшто да немате циклуси, а може да се појават и цисти во "низа бисери". Синдромот на полицистични јајници е честа причина за неплодност. Оваа состојба неможе да се излечи, но може да се третира. 

bio_poli_1

Други симптоми   

Овој синдром може да ве направи склони кон дебелеење, особено во пределот на половината, а тешко ќе ви биде да се ослободите од вишокот килограми. Можно е да се појават несакани влакненца, а косата да почне да се проретчува. Акните и темните флеки на кожата се уште еден проблем. Можни симптоми се и болка во карлицата и депресија. 

bio_poli_2

Причини               

Лекарите не знаат со сигурност зошто се јавува болеста, но некои истражувачи сметаат дека основата на болеста лежи во високото ниво на инсулин. Поголеми се шансите да ја развиете болеста доколку имате прекумерна тежина. И гените се во игра исто така. Ако вашата мајка или сестра имаат синдром на полицистични јајници, најверојатно ќе имате и вие. Кај повеќето жени дијагнозата се поставува во нивните 20ти или 30ти. Но,  дури и девојчиња на 11 годишна возраст, кои сеуште немаат добиено менструален циклус, може да имаат синдром на полицистични јајници. 

Дијагноза              

За да бидете диајгностицирани, би требало да имате барем два од следниве симптоми: ретки и нередовни циклуси, високо ниво на одредени хормони и повеќе од 12 цисти. Пронајдете лекар специјалист за оваа област. Лекарот ќе ве праша за семејната историја со болеста, ќе ве прегледа и ќе ви ги провери јајниците и ќе ви земат примерок од крв. Но, најпрво би требало да се елиминираат други проблеми, како на пример проблем со тироидната жлезда. 

bio_poli_3

Третман               

Може да земате лекови кои ќе ви ги ублажат симптомите. Вашиот лекар може да препорача таблети за контрацепцијаза да го регулирате циклусот или повремено и друг хормон да го поттикне менструалниот циклус. Лекот за дијабетес- метформин, може да го намали нивото на "машки хормони". На ист начин делува и лекот спиронолактон (алдактон). Медицински креми и ласерски третмани може да ви помогнат да се ослободите од несаканите влакненца. 

bio_poli_4

Природни третмани              

Слабеењето е најдоброто нешто што можете да го сторите - ќе го нормализирате циклусот, а ќе го намали растот на влакната и депресијата. Внимавајте на исхраната. Обрнете внимание како одредена храна влијае на нивото на шеќер и инсулин во крвта, како што би правеле ако сте дијабетичари. Вежбајте, и тоа вежби од кои ќе ви залупа срцето. Кревањето тегови ќе ви помогне да ги контролирате тежината стресот и чувствата. Ако сте пушач, оставете ги цигарите. 

bio_poli_5

Третман за неплодност          

Според едно мало истражување на жени со оваа состојба, повеќето од нив кои симнале 5% од нивната телесна тежина успеале да забременат или го регулирале циклусот. За лекување на неплодност предизвикан од синромот на полицистични јајници, најчесто се користи лекот кломифен, кој предизвикува ослободување на зрели јајце клетки. Вашиот лекар може да предложи и други лекови или ин витро оплодување. 

bio_poli_6

Бременост           

Вашиот лекар ќе ја следи бременоста и треба да ги препознае знаците за гестациски дијабетес, висок крвен притисок или предвремено породување. Според едно ново истражување, лекот за дијабетес (метформин), помага да се спречат проблеми поврзани со бременоста. Бебињата родени од мајки со синдром на полицистични јајници може да поминат подолго време на интензивна нега. 

bio_poli_7

Други ризици по здравјето             

Кога имате синдром на полицистични јајници, треба да правите редовни контроли кај вашиот лекар. Можно е да имате проблеми од типот:                  

- Висок холестерол, што може да доведе до срцеви заболувања, висок крвен притисок и срцев удар                     

- Инсулинска резистенција, метаболичен синдром и дијабетес тип 2          

- Прекумерна тежина                 

- Ноќна апнеја                   

- Нарушувања на расположението, како депресија и биполарно растројство          

- Рак на ендометриумот, посебно ако сте во години

Последна медицинска ревизија:25.11.2019

Извори: PCOS Foundation: "What Is PCOS?" "Types of Medical Treatment," "How Do I Know If I Have PCOS?" "Types of Doctors that Treat PCOS." Eunice Kennedy Shriver National Institute of Child Health and Human Development: "What is PCOS?" "How do health care providers diagnose PCOS?" "Treatments to Relieve Symptoms of PCOS," "Treatments for Infertility Resulting from PCOS." Office on Women's Health: "Polycystic ovary syndrome (PCOS) fact sheet." University of Chicago Medicine: "Polycystic Ovary Syndrome: Treatment Options," "PCOS Health Risks." UpToDate: "Patient information: Polycystic ovary syndrome (PCOS) (Beyond the Basics)." UConn Today: “How Bactera Keep Us Healthy.” Integrative Medicine: A Clinician’s Journal: “Part 1: The Human Gut Microbiome in Health and Disease.” ACP Microbe Institute: “Microbe Magic,” “The Good Bacteria.” Academy of Nutrition and Dietetics: “Prebiotics and Probiotics: Creating a Healthier You.” Crohn’s & Colitis Foundation: “Gut Microbiome Points To Cures and Treatment for IBD.” International Foundation for Functional Gastrointestinal Disorders: “Gut Bacteria and IBS.” Cleveland Clinic: “How Gut Bacteria May Help Curb Your Heart Disease.” University of California, Los Angeles: “Changing Gut Bacteria Through Diet Affects Brain Function, UCLA Study Shows.” Journal of Neuroscience: “Gut Microbes and the Brain: Paradigm Shift in Neuroscience.” Endocrine Society: “Magnetic Brain Stimulation Causes Weight Loss By Making Gut Bacteria Healthier.” Mayo Clinic: “What Are Probiotics?” Journal of Food Science and Technology: “Probiotics, Prebiotics and Synbiotics -- A Review.”